"አባታችን ሆይ"በቅዱስ ዮሐንስ አፈወረርቅ(ክፍል ዐራት)

“በደላችንን ይቅር በለን እኛ የበደሉንን ይቅር እንደምንል” 

ትርጉም በዲ/ን ሽመልስ መርጊያ

29/09/2004

ከአእምሮ በላይ የሆነው ምሕረቱን ትመለከታለህን ? እጅግ ታላላቅ የሆኑትን ክፋቶቻችንን ካስወገደልንና የእርሱን ታላቅ የሆነው ስጦታውን ከሰጠን በኋላ ሰው ዳግመኛ ቢበድል እንኳ በደላችንን  ይቅር ሊል ዝግጁ እንደሆነ በዘዚሀህ  ኃይለ ቃል አስታወቀን፡፡ ስለዚህም ይህ ጸሎት የአማኞች ጸሎት ይሆን ዘንድ በቤተክርስቲያን የጸሎት ሥርዐት ላይ መጀመሪያ የሚጸለይ ጸሎት ሆኖ ተሠራ፡፡

 ሰዎች ተጠምቀው ክርስቲያን ካልሆኑ በቀር እግዚአብሔር አብን አባት ብሎ መጥራት አይችሉም፡፡ ይህ ጸሎት እንግዲህ አማኞች ሊፈጽሙትና ሁሌም ሊጸልዩት  የሚገባ ጸሎት ከሆነ ቅዱስ ሥጋውና ቅዱስ ደሙን ከተቀበልን በኋላ ብንበድልና ንስሐ ብንገባ ንስሐችን ዋጋ እንደማያጣ ግልጽ ይሆንልናል፡፡ እንዲህ ባይሆን ኖሮ እንዲህ ብለን እንድንጸልይ  ሥርዐት ባልተሠራለን ነበር፡፡ ስለዚህም እርሱ ኃጢአታችንን እንድናስብና ይቅርታን እንድንጠይቅ እያሳሰበን እንዲሁም እንዴት ምሕረትን ማግኘት እንደምንችል እያስተማረንና ሸክማችንን በቀላሉ እንዴት ማቅለል እንደምንችል እያሳየን በምሕረቱ አጽናናን፡፡

ጦማችንና ምጽዋታችን ምን ይምሰል? በቅዱስ ኤፍሬም

ትርጉም በዲ/ን ሽመልስ መርጊያ

26/09/2004

መግቢያ

ለቅዱስ ኤፍሬምና ለሌሎችም የሶርያ ቅዱሳን አባቶች ጦም፣ ጸሎት እንዲሁም ምጽዋት ለነፍስ እንደ ብርሃን ናቸው፡፡ ዐይን ያለ ብርሃን ድጋፍ እንደማታይ እንዲሁ ነፍስም ያለእነዚህ ድጋፍ መንፈሳዊውን ዓለም መረዳት አትችልም፡፡ ጌታችንም “እንግዲህ ዐይንህ ጤናማ ብትሆን ሰውነትህ ብሩህ ይሆናል፡፡ ዐይንህ ግን ታማሚ ብትሆን ሰውነትህ ሁሉ የጨለመ ይሆናል፡፡ እንግዲህ በአንተ ያለው ብርሃን ጨለማ ከሆነ ጨለማውስ እንዴት ይበረታ!”(ማቴ.6፡22)በማለት ብርሃን ያላቸው እነዚህን ነው፡፡ እነዚህን በአግባቡና ከከንቱ ውዳሴ ተጠብቀን የፈጸመናቸው ከሆነ መንፈሳዊ ማስተዋላችን እጅግ የጠለቀ ሆኖ እናገኘዋለን፡፡ ነገር ግን እነዚህን ከሰው ክብርን በመሻት የፈጸምናቸው ከሆነ እነዚሁ ራሳቸው መልሰው ያጠፉናል፡፡

እነዚህ በአግባቡ ካልተገለገልንባቸው በኃጢአትችን ላይ ኃጢአትን እንድንጨምር ያደርጉናል፡፡ ስለዚህ በእኛ ያለው ብርሃን (ጦም፣ጸሎት፤ እንዲሁም ምጽዋት) በከንቱ ውዳሴና በሌሎችም ኃጢአት ጨለማ ከሆነ በፊት ከፈጸምናቸው ኃጢአት ጋር ተደምረው እኛን ወደ ጥልቁ ጨለማ ይጥሉናል፡፡ ስለዚህም ነው ጌታችን “ በአንተ ያለው ብርሃን ጨለማ ከሆነ ጨለማውስ እንዴት ይበረታ” ማለቱ፡፡ ይህን ድንቅ የሆነ አስተምህሮ እንድታስተውሉትና እኔ በትርጉሙ እንደተደነቅሁ በእናንተም ትደነቁ ዘንድ ቅዱስ ኤፍሬም ወንጌላትን ከተረጎመበት መጽሐፉ ያገኘሁትን ትርጓሜ እነሆ ብያችኋለሁ፡፡ በዚህ አጋጣሚ መጽሐፉን ገዝቶ በመላክ የተባበረኝን ወንደሜን ሙሉጌታ ሙላቱን ከልቤ ላመሰግነው እወዳለሁ፡፡   

ጌታችን ጦማችን ምን መምሰል እንዳለበት ሲያስተምር “እንደ ጦመኛ እንዳትታይ ራስህን ተቀባ ፊትህንም ታጠብ በስውር የሚያይ አባትህም በግልጥ ይከፍልሃል” አለን፡፡(ማቴ.6፡18)

THE ASCETICAL TEACHING IN THE WRITINGS OF ST. EPHREM

By Shimelis Mergia

From senior essay

25/09/2004

The Ascetical teaching of St. Ephrem was just like St. Paul teaching to the Corinthian Christians, who taught about virginity.(1cor.7:11) such Ascetical life which introduced by St. Paul and later by St. Ephrem  is more biblical than Egyptian monasticism. St. Paul taught about virginity like this;

 “I say this concession, not as a command. I wish that all men were as I am but each man has his own gift from God; one has this gift anther has that. Now to the unmarried and the widows I say: it is good for them to stay unmarried” (1cor.7:6-8)

 According to St. Paul virginity is the preferable way of life to please God. But he couldn’t say marital life cannot be pleased God. However, it may have obstacles to serve God in whole life.