ኑ መጽሐፍ ቅዱስን በቅዱስ ኤፍሬም የንባብ ስልት እናንብበው

በዲ/ን ሽመልስ መርጊያ

15/07/2004

መጽሐፍ ቅዱስን ቅዱስ ኤፍሬም እንዴት መነበብ እንዳለበት ሲያስተምር እንዲህ ይላል፡- “ሰዎች መጽሐፍ ቅዱስን በሦስት ዐይነት መንገድ ያነብቡታል፡፡ አንደኞቹ በስሜት ሆነው የሚያነቡ(with passion) ሲሆኑ የእነዚህ ወገኖች አነባበብ ፀሐይ በተኮሰች ጊዜ ሥር ስላልነበረው ደርቆና ጠውልጎ ፍሬ ሳያፈራ የቀረውን በጭንጫ መሬት ላይ የተዘራን ዘር ይመስላሉ፡፡(ማቴ.13፡20) ጌታችን መድኀኒታችን ኢየሱስ ክርስቶስ ስለእነዚህ ወገኖች እንደገለጠው ለጊዜው መጻሕፍትን አንብበው እውቀትን በመጨበጣቸው ደስ የሚሰኙ ሲሆኑ፤  ነገር ግን በውስጡ ተጽፈው ያሉትን በጎ ምግባራት ለመፈጸም ከብዶአቸው ከማንበብ የተመለሱ ወይም ከንባብ ተሰላችተው ያቆሙ ናቸው፡፡

 ሌሎቹ ደግሞ አዋቂዎች ለመባልና ለመራቀቅ ሲሉ የሚያነቡ ናቸው፡፡ ጉድለት ለማግኘትም ብለው የሚያነቡ አሉ (without Passion)፡፡ እነዚህ ወገኖች በመጽሐፍ ቅዱስ ውስጥ ያለውን እውነት ከሌሎች ጋር ሊሟገቱበት እንጂ በውስጡ የያዘውን በጎ ምግባር ለመተግበር አስበው የሚያነቡ አይደሉም፡፡ ሦስተኞቹ ወገኖች ግን መጽሐፍ ቅዱስን በእግዚአብሔር ፍቅር ውስጥ ሆነው የሚያነቡ ናቸው፡፡ እነዚህ ወገኖች እያንዳንዷን የመጽሐፍ ቅዱስ ክፍል እግዚአብሔርን በማፍቀር ሆነው የሚያነቡ ናቸው(with Love of God)"ይለናል፡፡


በእግዚአብሔር ፍቅር ውስጥ ሆነው መጽሐፍ ቅዱስን የሚያነቡ ወገኖች መጽሐፍ ቅዱስን በሚያነቡበት ጊዜ ከእግዚአብሔር ጋር እንደተገናኙ በመቁጠር ነው፡፡ እነርሱ እያንዳንዱን ኃይለ ቃል ሲያነቡ እርሱን ከጎናቸው እንደ መምህር በማስቀመጥ ነው፡፡ ስለዚህም ከሚያነቡት ምንባብ ያልገባቸው ኃይለ ቃል ካለ ደጋግመው ያነቡታል ነገር ግን ግልጽ ካልሆነላቸው “ጌታ ሆይ እንዲህ ስትል ምን ማለትህ ነው? ብለው ይጠይቁታል፡፡ የገባቸውና እነርሱ ያልፈጸሙት ከሆነ ደግሞ “ጌታ ሆይ የእኔን የባሪያህን ኃጢአት ይቅር በል፣ ይህን ትእዛዝህን ለመፈጸምም የበቃሁ አድርገኝ”ብለው ይማጸኑታል፡፡ የተደነቁ እንደሆነ ደግሞ “ጌታ ሆይ አንተ ድንቅና ኃያል አምላክ ነህ፤ ይህን ድንቅ የሆነ ምሥጢርህን ስለገለጥክልኝም አመሰግንሃለሁ” ብለው ያመሰግኑታል፡፡
 ከቅዱስ ኤፍሬም ጽሑፎችም የምንረዳው ይህንን ነው፡፡ ለምሳሌ ዘፍጥረትን ሲያነብብ የተሰማውን ሲገልጥ፡-

 “ጌታ ሆይ የመጽሐፍህን መግቢያ ባነበብኩ ጊዜ ልቤ በሐሴት ተሞላ፤

የምንባቡ ቁጥሮችና ኃይለ ቃላት እኔን ለመቀበል እጆቻቸውን ዘረጉ፤

ይዘውኝም በፍቅር አቀፉኝ ሳሙኝም ወደ ወዳጃቸውም መርተው አደረሱኝ፡” ይላል፡፡

እኛም ወገኖቼ ቅዱስ ኤፍሬምን አብነት አድርገን መጽሐፍ ቅዱስን በፍቅር ወደ ማንበብ እንምጣ፡፡ ለዚህ ጠዋትና ማታ የሚነበቡ የመጽሐፍ ቅዱስ ንባብ መርሐ ግብር አዘጋጅቼአለሁ፡፡ ይህን መርሐ ግብር በ1937 ዓ.ም ገደማ ከተዘጋጀ መጽሐፍ አግኝቼ ትንሽ ማሻሻያዎችን ጨምሬበት ያዘጋጀሁት ነው፡፡ ወደፊትም በየወሩ የሚነበቡትን የመጽሐፍ ቅዱስ ክፍሎች አዘጋጅቼ  አቀርብላችኋለሁ፡፡

ወደ ቅዱስ ኤፍሬም የንባብ ልምድ ቀስ በቀስ ስንመጣ ስንበላም ሆነ ስንተኛ፣ ስንቀመጥም ሆነ ስንቆም፣ ከሰው ጋርም ሆንን ብቻችንን፤ ሁልጊዜም በጸሎት ውስጥ እንሆናለን፡፡ እንደ ቅዱስ ዳዊትም “ሁል ጊዜ እግዚአብሔርን በፊቴ አየዋለሁ በቀኜ ነውና አልታወክም” (መዝ.15፡8)ወደ ማለትም እንመጣለን፡፡

  ወደዚህ የሕይወት ከፍታ እንድትመጡ ለመጽሐፍ ቅዱስ ጥናታችሁ ብቻ የሚያገለግል አንድ ዳይሪ(የግል ማስታወሻ) ታዘጋጃላችሁ፡፡ የመጽሐፍ ቅዱስ ንባባችሁን በጸሎት በመጀመር የዕለቱን ምንባብ ታነባላችሁ፡፡ በመቀጠል ከንባቡ የተማራችሁትን፣ የተደነቃችሁበትን፣ የተገሠጻችሁበትን፣ ያልገባችሁን፣ እንዲሆንላችሁ የምትመኙትን ሁሉ በጸሎት  ከምስጋና ጋር በግል ማስታወሻችሁ ታሰፍሩታላችሁ፡፡

ጽፋችሁ ካበቃችሁ በኋላ በድጋሚ አንዴ የጻፋችሁትን ታነቡታላችሁ፡፡ በዚህ መልክ ለሳምንት እንዲህ አድርጋችሁ ከቆያችሁ በኋላ በሳምንቱ መጨረሻ ላይ በአንድ ሳምንት ውስጥ የጻፈችሁትን ድጋሚ ትመለከቱታላችሁ፡፡ በዚያን ጊዜ በእውነት እኔ ነኝን ይህ የጻፍኩት? በማለት በራሳችሁ ትገረማለችሁ፡፡ ይህን ሁል ጊዜ ጠዋትና ማታ ታደርጉታላችሁ፡፡ በጸሎታችሁ ግን እኔን ኃጥኡን ገብረ ኢየሱስን አስቡኝ፤ መልካም የንባብ ሳምንት ይሁንላችሁ፡፡

የዕለታት ምንባብ

ለመስከረም ወር የወጣ ፕሮግራም

በዚህ ወር ውስጥ ዘፍጥረትን፣ ማቴዎስን፣ ማርቆስን፣ የሐዋርያት ሥራን፣  ሮሜን፣ ይጨርሳሉ፡፡ ዘፀአትን፣ ሉቃስን፣ 1ኛ ቆሮንቶስን ይጀምራሉ

የጠዋት ምንባብ				የማታ ምንባብ
የቀን ቀጥር	ከብሉይ ኪዳን	ከመጻሕፍተ ሐዲሳት	ከወንጌል	የቀን ቁጥር	ከብሉይ ኪዳን	ከመጻሕፍተ ሐዲሳት	ከወንጌል
1	ኢሳ.61፡1-6	ዕብ.3፡1-19፤	ሉቃ.4፡16-27	1	ዘፍ.1	የሐዋ.1	ማቴ.1
2	ሚክ.3 በሙሉ	ዕብ፡ 11፡1-19	ማቴ.14፡1-11	2	ዘፍ.2	የሐዋ.2፡1-21	ማቴ.2
3	ዘፍ.3	የሐዋ.2፡22-47	ማቴ.3	3	ዘፍ.4	የሐዋ.3	ማቴ.4
4	ዘፍ.5	የሐዋ.4	ማቴ.5	4	ዘፍ.6	የሐዋ.5፡1-16	ማቴ.6
5	ዘፍ.7	የሐዋ.5፡17-42	ማቴ.6	5	ዘፍ.8	የሐዋ.6	ማቴ.8
6	ዘፍ.9 እና 10	የሐዋ.7፡1-39	ማቴ.9	6	ዘፍ.11 እና 12	የሐዋ.7፡35-60	ማቴ.10
7	ዘፍ.13	የሐዋ.8፡1-25	ማቴ.11	7	ዘፍ.14	የሐዋ.8፡26-40	ማቴ.12፡1-37
8	ኤር.26፡12-16	ዕብ፡7፡19-27	ማቴ.23፡34-39	8	ዘፍ.15	የሐዋ.9	ማቴ.12፡38-50
9	ዘፍ.16	የሐዋ.10፡1-29	ማቴ.13፡1-30	9	ዘፍ.17	የሐዋ.10፡30-48	ማቴ.13፡31-58
10	ዘፍ.18	የሐዋ.11	ማቴ.14	10	ዘፍ.19	የሐዋ.12	ማቴ.15፡1-20
11	ዘፍ.20	የሐዋ.13፡1-15	ማቴ.15፡21-39	11	ዘፍ.21	የሐዋ.13፡16-52	ማቴ.16
12	ዘፍ.22	የሐዋ.14	ማቴ.17	12	ዘፍ.23	የሐዋ.15፡1-12	ማቴ.18
13	ዘፍ.24	የሐዋ.15፡13-41	ማቴ.19፡1-15	13	ዘፍ.25	የሐዋ.16፡1-15	ማቴ.19፡16-30
14	ዘፍ.26	የሐዋ.17	ማቴ.20፡1-19	14	ዘፍ.27	የሐዋ.18	ማቴ.20፡20-34
15	ዘፍ.28	የሐዋ.19፡1-20	ማቴ.21፡1-32	15	ዘፍ.29	የሐዋ.19፡21-40	ማቴ.21፡33-46
16	ዘፍ.31	የሐዋ.21፡1-16	ማቴ.23	16	ዘፍ.30	የሐዋ.20	ማቴ›22
17	ዕንባ.2፡1-17	1ቆሮ.1፡14-24	ማቴ.27፡32-37	17	ዘፍ.32	የሐዋ.21፡17-40	ማቴ.24፡1-35
18	ዘፍ.33	የሐዋ.22	ማቴ.24፡36-51	18	ዘፍ.34	የሐዋ.23	ማቴ.25፡1-30
19	ዘፍ.35	የሐዋ.24	ማቴ.25፡31-46	19	ዘፍ.36	የሐዋ.25	ማቴ.26፡1-47
20	ዘፍ.37	የሐዋ.26	ማቴ.26፡47-75	20	ዘፍ.39	የሐዋ.27	ማቴ.28
21	ዘፍ.40	የሐዋ.28	ማር.1	21	ዘፍ.41	ሮሜ.1	ማር.2
22	ዘፍ.42	ሮሜ.2	ማር.3	22	ዘፍ.43	ሮሜ.3	ማር.4
23	ዘፍ.44	ሮሜ.4	ማር.5	23	ዘፍ.45	ሮሜ.5	ማር.6
24	ዘፍ.46	ሮሜ.6	ማር.7	24	ዘፍ.47	ሮሜ.7	ማር.8
25	ዘፍ.48	ሮሜ.8፡1-17	ማር.9፡1-32	25	ዘፍ.49	ሮሜ.8፡18-39	ማር.9፡33-50
26	ዘፍ.50	ሮሜ.9	ማር.10	26	ዘፀአ.1	ሮሜ.10	ማር.11
27	ዘፀአ.2	ሮሜ.11	ማር.12	27	ዘፀአ.3	ሮሜ.12	ማር.13
28	ዘፀአ.4	ሮሜ.13	ማር.14	28	ዘፀአ.5	ሮሜ.14	ማር.15
29	ዘፀአ.6	ሮሜ.15	ማር.16	29	ዘፀአ.7	ሮሜ.16	ሉቃ.1፡1-38
30	ዘፀአ.8	1ቆሮ.1	ሉቃ.1፡39-80	30	ዘፀአ.9	1ቆሮ.2	ሉቃ.2